ممنوع دخول الرؤساء ** ** بقلم خالد الرافعى

** ممنوع دخول الرؤساء **
** بقلم خالد الرافعى **
بتاريخ 11/6/2015
جارى النشر ...............
*******************
سبحان الله ادم كان ساكن ف الجنه
وسوسله شيطان اكل التفاح
من يومها سلالته بتتالم
ومفيش مخلوق فى الكون مرتاح
علشان الكون اصبح مالح
ومفيش فى حياتنا خلاص افراح
ف انا هشرح ليكم معنى الدنيا
بس انت ياريت تدينى براح
الدنيا فيلم بيتكرر لكن ف الاخر
بلا قيمه بنمثل حلو عشان نتحب
يتشد الكرسى ونتفرج واهو
عندك 100مليون سيما
واداه الفرحه انك تعرف
حكمه ربنا فى التقسيمه
اوعاك بقى يوم تبقى
زى السكوت ف الشاى بايش
ومحدش من الواقفين حايش
وهيبقى مصيرك بين حاجتين
ياتكون ميت ياتموت عايش
ووقفت مع نفسى اقول ياسلااااام
لو الجنه تصالح الاعداء
ندخلها جميعا بلااستثناء وكلنا احباب
وينكتب على الباب ممنوع دخول الرؤساء
ماهما لو وصلوا هيخصصوا الاشجار
ويسدو نهر العسل ويرفعوا الاسعار
ويكفروا الشهداء ويطردوا الابرار
ويكذبوا الصديقين ويطفشوا الاحرار
ويستضيفوا ابليس بمراته وعياله
والناس هتزهق من خلقتهم
وتروح تعيش فى النار