.......متأخرة ساعة حبك
متأخرة دايما ساعة حبك
متأخرة دايما حتي في ردك
ابعتلك رسالة وعلي ما تردي
أكون نسيت كنت ف ايه عايزك
.......
مش عتاب مني ولا حتي لوم
صعب الشمس تطلع بعد الغيوم
الف دقة ف قلبي تنام وتقوم
ويا العذاب مشتاقة تسمع ردك
.......
مش بأعاتبك يمكن بحبك زيادة
يمكن تكون دي عندك انتي عادة
أو يكون حبنا عدي حدود الريادة
ساعتي مقدمة كام ساعة عنك
.......
لا أنا في شرق وانتي في غرب
نفسي أحس منك بلهفة القرب
نفسي أعيش يوم ف عمري حب
عارف انك بتحبيني بس ده طبعك
.........
طب قوليلي أشتكي منك لمين
وانتي سهل عندك تضيع السنين
يوم يعدي وبعده يوم واحنا فين
كلمة ف رسالة ومكالمة حلوة منك
.........
مش هو ده ياحبيبتي يبقي الحب
الحب قلب يحس ف كل لحظة بقلب
وأنا حبيتك وف هواكي قلبي طب
عارف انك بتحبيني بس بطريقتك
أيمن بلال
ليست هناك تعليقات:
إرسال تعليق