( مُش مُمكِن ) ـ بقلم الشاعر/ محمود العزب

مُش مُمكِن

أنا مُش مُمكِن أقدر اخَبِّى
يوم على قلبى
إن انـا حَـبِّـيـتِـك
ولا أنكِر ولا لحظهْ ياحُبِّى
إنِّى عِشِقتِك
علشان صيتِك
وف حُبِّك واقِع ولشوشتى
وواهب لِك روحى ياحبيبتى
طول عُمرى وعُمرى مانسيتِك
وشاغلالى قلبى مع عقلى
ولقيت حُبِّك اللِّى نَدَه لى
ومالَقيت راحتى إلاَّ ف بيتِك
مالَقيت راحتى إلاَّ ف بيتِك.

شعر/محمود العزب
20/5/2015