( خــــــــايف ) ـ أغنية بقلم الشاعر / أيمن يوسف أحمد يوسف

خــــــــايف ( أغــنـيــة)
===================
سيرى يامركب بالشراع سيرى
واعزف يامجداف لحنك على نيلى
غنى ياشمس فوق على جبينى
علشان هواك يحضن قناديلى
ياقدرنا ليه مكتوب ومتسطر
ده العمر زى دوايا متقطر
خايف يكون سكر بطعم المر
اضحك ثوانى ودمعى مش بيمر
خايف يكون فرحى فى تنهيدة
والدنيا تبقى فى شكل تغريدة
والحزن يفضل فينا طول العمر
حاول تمد ايديك وتديلها
اصلك تلاقى المايلة تعديلها
خايف الاقى الشكوى فى عينيها
وتكون نهاية حبى بإيديها
والدمعة تفضل فينا طول العمر
..................................................

أيمن يوسف أحمد يوسف

مصر - بورسعيد