( بيت العيله ) ـ بقلم الشاعر / عاطف عبد الحميد

بيت العيله

...........

يا عمر بسيط من الذكري.....و ابسط منه ايامنا
و سقف الدار يدارينا....و تكبر تحته احلامنا
و قلب معاك بيفرح لك....و دمع عينيك بيالمنا!!
..........
و ان قالوا العشا نجري.....ما تلمح غير معالقنا!!
و دا يزاحم على الشوربه.....و دا بايديه يسابقنا
و دا شد الطبق عنده....و دا غاوي يضابقنا
........
.و ع الطبليه تجمعنا.....حكاوى امنا الغوله!!
و حبه شاى نقسمها.....و نتقاسم سوا الفوله
و ضحكه جدى يوم تاهت..لقيت العيله ميت عيله!!
........
و اديها انفضت اللمه...و تاهت ف السكك عبنى
يامين بايدبه يرجعها...وياخد حتى نور عينى!!
ح يبقي الكون على قدى..و حب الناس يكفبنى!!
..........

عاطف عبد الحميد