( أغــنــــيـــــــة : مَــالـِكْ ومَــالـِــى ) ـ بقلم الشاعر / أيمن يوسف أحمد يوسف

مَــالـِكْ ومَــالـِــى

===============
يادنيا ليه قاسية عليا
معذبانــــــــــى
حطه عليا الهم ليه
وملجمانـــــــى
حتى الفرح مستكتراه
ومدبلانـــــــــى
وإن قلت آه
ألقاكى برضه مدوخانـــــى ....
أنا لما شفت عينيها
مابقتش شايف غيرها
على طول بفكر فيها
وقلبى كان يحايلها ....
أنا قلبى كان قبلها
خالى ومتغندر
ولما شاف حسنها
بقى لونه متغير ....
أول طريق الحب
ماقدرتش أكمله
عاشق وطالب القرب
توهنى ف سكته ....
يابحر قول للشمس
مالك ومالى
أنا كنت قبل مااشوفك
راضى بحالى ....
طايره بى ليه فى السما
وأنا لسه بتعلم
ويادوب فى حبك أنا
قلبى بيتألم ....
....................................................

أيمن يوسف أحمد يوسف

مصر - بورسعيد