( سفينة وشمس ) ـ بقلم الشاعر / محمد فصيح

سفينة وشمس

ارسم فى سفينة
وفوقها الشمس
دى كانت صورتى
يا ناس بالامس
اكتب فى حروف
ويروح الخوف
والدنيا واسعة
والف واشوف
اليوم كان يجرى
كانه البرق
وانا بكبر حبة
ويحصل فرق
دلوقتى انا لية
مش برسم شمس
ولا تهمس نفسى
بنفس الهمس
وكمان بتمنى
ارجع للأمس
الدنيا كانت
حتة سكر
تحلى فى عينى
كل ما بكبر
دلوقتى بقة
الوضع اتغير
واحن ليوم
كنت صغير
يمكن يا زمانى
ترجعنى
احلم بطفولتى
وتطاوعنى
لكن احلام
مين يسمعنى
وافوق تانى
وافتكر الامس

بقلم / محمد فصيح