( دى إستِحالات كُلَّها ) ـ شعرـ بقلم الشاعر / محمود العزب

دى إستِحالات كُلَّها

دى إستِحالات كُلَّها
 إن اسيبِك وتسيبينى
وانتِ جُوَّه نِن عينى
وكُل أشواقى وحنينى
واللِّى انا مَخلوق لَها
وان افَرَّط فيكى لحظهْ
وابقَى معدوم المُلاحظهْ
وانتِ اللِّى بتِوحشينى
واللِّى انا مُغرم بها
وان اخونِك ياحياتى
وانتِ أغلَى أُمنياتى
كُل عُمرى وطول سِنينى
واللِّى قلبـى بِحِبَّهـا
وان ابعِد روحى عَنِّك
والاَّ أحرِم نَفسى مِنِّك
واجبِرِك يوم تِحرِمينى
من حياه ما بَعدها
ودى استِحالات كُلَّها
وانتِ اللِّى بتسعِدينى
وانتِ اللِّى بتفهَمينى
وانتِ اللِّى اختارتها
إنتِ اللِّى اختارتها.

شعر/محمود العزب
15/5/2015