( بحبك و بحب حنانك ) ـ بقلم الشاعر المبدع / محمد أبو المعاطى

بحبك و بحب حنانك

...........................
عند وعدى ما يَفَرَّقْنَا حد
و لا يِفْرِقْنَا عن بعض
أنا و انتى روح واحده
أنا و انتى شكل بعض
أنا و انتى روح واخده
الحب بشكل جد
اسمك من اسمى
فداكِ روحى و جسمى
عايش بس عشان تِسْمِى
و لو فضلت أنا ع الأرض
أكون سعيد
حتى لو كنت عنك بعيد
حتى لو قهرنى البعض
ان فرحت بفرح عشانك
و ان حد زعلك و لا هانك
أقول يا ريتنى مكانك
يا ريته شانى و ما شانك
حتى أحلامى لِكى
و قلبى من فرحته بِكى
بَكى لما عرف إنك جايه
و دموعه نزلت من عنيا
نزلت تجرى على إديا
تقيد صوابعى المطفيه
تقيدها شمع عشانك
عشان تنورلك مكانك
بحبك و بحب حنانك
بحبك و بحب جنانك

...............................

محمد أبو المعاطى