بحبها وبهواها
حبيبتى بحبها وبهواها ...
وأسيب الدنيا وأعيش معاها ...
حبيبتى اللى حبها فى قلبى ماينامشى ..
تسكن قلبى وتعدى على رمشى ...
حبيبتى رمشى على الأرض فرشتهولك ...
دايب فى عرضك انا وطولك ...
ومن قلبى كلام الحُب أنا قولتهولك ...
حبيبتى بقربك بحس بأمان ...
وأخترت قلبك وطنى من بين الأوطان ...
وطن مليان بالحب والحنان ...
همسك حبيبتى تغريد الطيور ...
بقوربك حاسس بعمرى بيطول ...
بحبك بكل اللغات ...
بعمرى اللى جاى وعمرى اللى فات ...
بقولها بأعلى صوتى وكفايه بقى السكات ...
القلب اللى مايحسش بقلبك يبقى حبيبتى مات ..
بحبك بعدد حبات الأمطار ....
بحبك يالى القلب ليكى أنتى أختار ...
وهفضل أحبك مهما الزمن لف ودار ...
بحبك يالى قلبك ليا سكن ودار ...
أشهدوا يا بشر أشهدوا يا نجوم ....
مش هحب غيره أنا بعد اليوم ...
هى اللى معاها بنسى كل الهموم ...
هى اللى معاه فرحتى هتدوم ....
بكل معانى الكلام بحبها ...
هى السعاده لا هى الدنيا كلها ...
هى اللى قلبى يروح ويقولها ...
أنى يا ناس بعشقها وبحبها ....
بقلــــــم: عــــــادل الشــــــهــابى
ليست هناك تعليقات:
إرسال تعليق