ياسيسى
ياسيسى
ياللى بقيت رئيسى
إلحقنى جوعونى
وخطفوا رغيفى
سرقوا لحافى
وعرونى
مره أزمة رز
ومره أزمة سكر
غلو الكهربا
والغاز والميه
ضريبه إضافيه
والبنزين كمان
كل ده وقلت ماشى
تجوعونى ..تعرونى
أقول :ما يجراشى
أما ولادى
مقدرش على صرختهم
م الجوع
ما بقتش عيشه ياسيسى
اللى باع عيل
واللى سم نفسه وولاده
واللى ف الشارع
بيحرق نفسه
إيه أخرتها ياسيسى
على فين هيودونى
فيه اللى هيدونى
عشان يضمونى
بكل طريقه بيغرونى
إلحقنى قبل ما يحتونى
وانتم تخونونى
أنا خايف على نفسى
وخايف عليك من الديان
يوم ما يتنصب الميزان
هتقول إيه ؟
عن الغلبان والجعان
بقلم:محمد حجاج
ليست هناك تعليقات:
إرسال تعليق