محمد ابو الوفا.......انا ميت وباتنفس

محمد ابو الوفا

انا ميت. وباتنفس
واوجاعي بقت عادي ماتتحسش
ومش محسوب ف ارقامكم
وكسري عمره ماجبس
___________________
ضعيف يمكن
عنيف جايز
ساعات عايز
ومش عايز
وبيتي ارض ماله حطان
ساعات طالب ساعات طمعان
ولكن برضه انا مصري
هاتنسوني عشان غلبان ؟
_____________________
انا ياسادة لحم ودم
وعمري بات ماليه الهم
وجوه عنيكو شايفني
مابين كاره وبين يرحم
انا ياسادة صوتي سكوت
انا واحد حياته الموت
ومين يقبل علي جبينه
جزم تمشي عليه وتفوت