عيد العمال.........كلمات أحمد شاهين

عـــمال مـــصــر
عمال مصر دراعها
دول شايلين أوجاعها
عمال بالملايين
على مر السنين
بيحسنوا أوضاعها
عمال مصر دراعها
شركات ويا مصانع
والمجهود شلال
ومكن نازل طالع
ويزيد راس المال
عمال بالملايين
على مر السنين
بيحسنوا أوضاعها
عمال مصر دراعها
ويزيد الإنتاااااج
ولا عمرنا نحتاج
إرادتنا وسواعدنا
هما أجمل تاج
عمال بالملايين
على مر السنين
بيحسنوا أوضاعها
عمال مصر دراعها
والله . يا مــصــر
نفديكى بأرواحنا
نعصر نفسنا عصر
والبركه فى كفاحنا
عمال بالملايين
على مر السنين
بيحسنوا أوضاعها
عمال مصر دراعها
وتعيشى يا بلادى
حره عزيزه كريمه
وتزيد الأياااادى
علشان تبقى عظيمه
عمال بالملايين
على مر السنين
بيحسنوا أوضاعها
عمال مصر دراعها
مش هنقول إضراب
لآ . هنشوف أشغالنا
دا كل شئ بحساب
يا جمال مستقبلنا
عمال بالملايين
على مر السنين
بيحسنوا أوضاعها
عمال مصر دراعها
كلمات أحمد شاهين
1 \ 5 \ 2015