من زمان للآن
شعر/محمود العزب
20/12/2006
20/12/2006
ياعاقْلَه وراكْزَه من يومِك فى كُل آوان
باحِبِّك من زمـان للآن
وهَفْضَل احِب فيك أكتَر
لإنِّى بجَـدْ مِسْتَكْتَر
أسيب حُبِك لأىٍ كان
ياصافيه القلب والنيَّه
وحُضْنِـك كُلُّـه حِنيَّه
وفيه راحتى وكُلُّه أمان
باحِبِّك نِسْمَه جَيَّالى
تِحَقَّقْ ليَّا آمالــى
ياكُل الأهل والأوطان
وانا بهيبتى وانا جَنْبِك
وانا باهواكى وباحِبِّك
باحِـس بقيمةْ الإنسان.
ليست هناك تعليقات:
إرسال تعليق