لوحة
من بين دخاني والواني
مرسومة عشاني لوحة
فيها مقفولة المواني
ولا سكة مفتوحة
ودا يبقى سجن ولا
حلم مالوش تفسير
الكل عني اتخلى
صغير او كبير
الصنف كان مغشوش
مضروب زي اللي باعه
الريش لو كان منتوش
يكسر للصقر باعه
الحلم يطير ازاي
لما اترسم مخنوق
اللي رايح واللي جاي
يقدر يشوف ويذوق
طعم الحقايق مرار
اصل الوجع الوان
الحق اخر اصدار
لوحة امضاء فنان
رسمت ملامح وشه
دخانه مع اللوانه
نص العالم غشه
والنص التاني خانه
شابت مشاعر قلبي
ودخاني خنقني
محدش حس تعبي
وبكره يحكوا عني
لما منهم هروح
لوحة هتفضل مكاني
تترحم على جروح
رسمتها احزاني
احمد صبري
ليست هناك تعليقات:
إرسال تعليق