خانك؟
عرف عليك واحدة تانية؟
سابك بعد كل اللى عملتيه علشانه؟
اتجوز واحدة تانية؟
كنت واخداه على اده و لما شم نفسه و اتلاقى المادة بص لغيرك؟
و غيره و غيره و غيره من كلام
هاريحك
عارفة كل ده ليه؟
لأنك يا ست الكل عملتى لنفسك و مش ليه هو
بمعنى
انت عملتى للدنيا و لمصلحتك و لأحلامك انت
مش ليه هو
عارفين مين هو؟
ربنا
هاقولك ازاى؟
من الاول خالص انت اختارى علشان ربنا صدقينى لو حطيتى ده قدامك هتلاقى ان كان اختيارك اصلا غلط خاااااااااااااااالص و لما صممتى تكملى و لك عند ربنا حب فحب ينقذك
اوعى تزعلى و تفتكرى ان ده عقاب بالعكس
ده انقاذ ليك علشان تفوقى
تخيلى عايشة مع غشاش و خاين و عيشة حرام او مرار او اخر قرف مين اللى خسران اكتر؟
انت و اولادك
مش حد تانى
طبعا هو خسر الاول و بعدين انتم
طيب و الحل؟
نزلى نسخة ويندوز جديدة لتفكيرك و فرمتى الرامات و الهارد ديسك و غيرى مدخلاتك و معاييرك و قوليلى النتيجة بس بامانة
هتلاقى انك مخسرتيش ابدا
اصل اللى مع ربنا مبيخسرش ابدا
د محمد وهبه
ليست هناك تعليقات:
إرسال تعليق