*****(((ست البيت)))*****
أم عيالي أم عيالي
شايلا معايا الهم ليالي
لابتكل ولابتمل
ولابتقول كاني وماني
متحامله وصبرا عشاني
لامره كاشرت وعضديت لساني
ولامره جاذيت على سناني
فاهمه وعارفه اللي بيجرالي
شايلا معايا حمل عيالي
بتغدينا وتعشينا وتلبسنا وتغطينا
وتصبحنا وتمسينا وتحكي لناحكاوينا
وتشاركنا فى أفرحنا وأغانينا
وتواسينا فى أحزنا ومأسينا
واللي يقول العيبه فى غيبتي
تأخذ حقي على طول وقتي
واللي شايف نفسه ويقول لنا بم
تدعى عليه وعلى قلبه تذم
ولومره أقول أه ياني
تقول بعد الشر عليك ياغالي
نسمه وبسمه وهى حلالي
الدنيا من غيرها ما تحلالي
لازم أشوفها على طول قدامي
أم عيالي أم عيالي
بقلمي/محمودصلاح السيد7/5/2016
ليست هناك تعليقات:
إرسال تعليق