الأرجواز
الأراجوز بيلف فى الشوارع و الحواري
نتفرج فيه على أحلى الحكاوي
بيقف قدام القهاوي
و ع النواصي
و ف كل النواحي
الأراجوزليك يحكي
قصص و غناوي
الأراجوز شايله
راجل على ظهره المحني
و معاه زُمَّارة تلم العيال و تطربني
تحكي قصص أجدادي
و بطولات أمجادي
يحكي عن هارون الرشيد و الجواري
يحكي عن نيلي و أرضي
و إزاي أصون عرضي
يكبر جواي حبي لبلدي
الأراجوز صوَّر متعادة و متكررة
بتحصل ف زمني
و حصلت فى الزمن اللي قبلي
يحكيها راوي بلسان عربي
الأراجوز يا ناس فن مش همبكه
خرج من الشارع المصري
لف البلاد و ما اشتكى
الله يرحم اللى طوروه
بقلم : محمد حجاج
ليست هناك تعليقات:
إرسال تعليق