*****((( الصاع صاعين)))*****
ماتقولش وهبتك قلبي
وتخوني وتيجي عليا
رغرغت الدمع فى عيني
وكرهت الكل فيا
فاكرها كده هتعدى
أستني عليا شويه
راح أرد عليك ياكويني
أسقيك القسوه فى ميه
وتضيق الدنيا عليك
مكسوف ومين يداريك
وحياة العهد مابنا
اللي ماصانتهوش ياجميل
لو طالعت يوم على القمه
لتنزل تاني فى الطين
خاليك زي المجنون
عاش وسط العاقلين
أضحك بعلو الصوت
وعيش فى الدنيا يومين
بكره أوريك الويل
وتقضي الوقت ذليل
عملت فيا كتير
وريتني نجوم الليل
وأهو جايت الفرصه لعندي
أرد لك الصاع بصاعين
وبدل القلم قلمين
بقلمي/ محمودصلاح السيد8/5/2016
ليست هناك تعليقات:
إرسال تعليق