انا اللى عاملتك بالحنيه
والهواده والوداعه
رديتى بالاسيه كنتى فى
حريتى طماعه
حاولت اضمك ليا
ليكى فى الاسوه براعه
لانفعت معاكى نصيحه
ولانفعت فيكى الشفاعه
كنتى فى عنادك فصيحه
وتطلبى منى الطاعه
عملت معاكى المستحيل
تتلونى بعد ساعه
شفت معاكى الويل
وغاويه تكرار الطباعه
ضيعتى الحلم الجميل
لما رفضتى القناعه
عايزه قلبى كله ليكى
غيرتك كانت شماعه
أتحملت حبك لنفسك
انانيتك مالهاش مناعه
انا بحب جمال الكون
كل الناس كل الوداعه
انتى رايدانى دبيحه
للاسف منتهى البشاعه
هكسر قيودى فى حضنك
هاخرج من دنيتك الطماعه
رسولى امرنى روحوا
ساعه بعد ساعه
حتى امى سقتينى الحريه
والملاغيه فى الرضاعه
---------------------------
كلمات وحيد احمد
ليست هناك تعليقات:
إرسال تعليق