سيبتها .. بقلمي/عادل محمود ..

سيبتها ..

بقلمي/عادل محمود ..

سيبتها .. 

وكانت كل أحلامي ..

أقضي عمري جنبها .............

سيبتها ...

وانا مش عارف أيامي ..

هتعدي ازاي في بعدها ........

مقدرش اشوفها بتضيع معايا ..

في طريق طويل مالوش نهاية .

ويجيلها يوم .. تلاقي الهموم ..

سرقت أحلى سنين عمرها ...

سيبتها ....

طريقي صعب فوق احتمالها ..

ومعرفش آخره هيبقى إيه؟ ؟

وإذا كان البعد كسر خاطرها ..

أحسن من وهم .. أعيشها فيه 

وكل بتر في بدايته ..

وجع .. وبياخد وقته ..

وبكره تنسى .. وابقى ذكرى ..

وفكرة بينها وبين نفسها ..

سيبتها ....

وانا كل حتة فيا ..

بتموت بعدها .....

وكل شىء حوليا ..

بشوف فيه وشها ..

وان طال العمر بيا ..

هموت ...

وانا بحبها ..

سيبتها ..