" كائن الهدنة "/ ابوبكر محمد فهيم

" كائن الهدنة "

" ترابيس البيبان شايلة السكون "

ورا الباب شاعر وقالوا مجنون ..

يامنشنين عـ الجروح ..

خفوا السهام حبة ..

ساعدوا الوجع عـ البوح ..

وارموا الطلاق لـ الروح ..

هدف السهام مجروح ..

" واللمة أكبر كسر "

في وداني صوت العصر ..

بادئ في وقت حزين ..

الشعرا دول مجانين ..

قاعدين بيرموا كلام ..

بيجنن السامعين ..

نطق اللسان بـ اللين ..

بدأوا الكلام بـ الهمس ..

ودموعي دي بـ اللمس ..

ساح العياط فـ جريت ..

واقف في عرض البيت ..

يحميني من وجعي ..

يطوي الجراح والنار ..

أنا قلبي دق في زار ..

فـ حضني ميت عفريت ..

صنعوني ليهم دار ..

وكرهت كل الناس ..

أنا قلبي كـَسر الكاس ..

قطع لي شراييني ..

دخل الازاز عيني ..

نزل العياط بدل الدموع دم ..

يوميا بحايل في الجروح تتلم ..

" كام بنت حبيتها فكرهتني " 

وكان بنت حبيتني بـ البعد نسيتني ..

وكام وجع داخل ..

وكام وجع خارج ..

أنا قلبي طبعه يلم ..

يخرج وجع يطلب من بديله يهم ..

" كان عندي الصحاب ألافات "

الحلو منهم مات ..

والباقي كله سراب ..

صاحبي الصدوق كداب ..

والباقي أصل الكدابين ..

كل البشر مَيتين عايشين ..

ضحكهم على بعض ..

كسرهم للبعض ..

كل دا مدان كما داين ..

محصلين الوجع وقياسه ..

قالوا هنعاين ..

طلبوا بشيل الشاش ..

لو سمحت بلاش ..

فـ عطوني مصل يهدي ..

مقفول الوجع فتحوه ..

زادوا السموم وسابوه ..

ابوبكر محمد فهيم