فى الأصل انا بياع
كلام
ساعات اغني عل
الوجع
وساعه بفسر
الأحلام
إيدك يا شابه وانا قولك
ايه قدام
أصل الحكايه فهلوه
مفهاش أصول
وعلام
واحد قدامه سكة سفر
وناس بتنقش
قلوبها
على الحجر
واللي في عز الليل
اتفضح
واللي ف النهار
اتستر
سكك السفر
تاهت
ولون الحظ بقى
باهت
وقلبك مليان حكاوي
عايز يشتكي
وساكت
والشكوي لغير اللي
خلق
مايتحسبش كلام
مكتوب عليك الحب
باين على
جبينك
قصة غرامك ذنب
معلش ده
نصيبك
وكلام بتفصله
عنيكي
أنا كنت بياع
كلام
بس اتكتب موتي
على ايديكي
...........
على أحمد عبد الجليل
ليست هناك تعليقات:
إرسال تعليق