( كمــا الأيـــام ) ـ بقلم الشاعر المبدع / عبد الجواد خاطر

---------------- كمــا الأيـــام ----------------

كما الأيام حبك

بيتسرسب

من شرايينى
وبيتوه منّى قلبى
وبيضيع كل حنينى
وقفت فى نص البحر
يامين يعدّينى
-------------------------------------------------
كما الأيام
راحت الحاجات
وطالت المسافات
وغنى الغروب على البعد
غنوة النهايات
وبقينا حاجة زى كتير
حاجات
------------------------------------------------
كما الأيام
رحيلنا هوه العنوان
لا الزمن وفّى بعهوده
ولا القدر حن كمان
نهاية طريقنا عتمة
وأصوات غريبة
الطريق مابقاش
أمان

كما الأيام

الشاعر/عبدالجوادخاطر