الكـــــل بيحلــــم \ بقلــــم: عــــــادل الشــــــهــــابى

الكـــــل بيحلــــم
بنحلم ويا ريت حلمنا بأدينا ...
كنا اتصالحنا مع الدنيا ومكنتش جت علينا ...
ومكناش شوفنا الدمع فى عنينا ...
بنحلم وعاوزين نحقق حلمنا ...
ونرجع تانى فى حضن أخواتنا وأهلنا ..
بنحلم والأحلام كتيره شويه ...
كتيره ما ياما شونا حزن وآسيه ...
فيه واحد واقف وماسك حلمه بعيد ..
شايفه بحلمه فرحان وسعيد ...
وفيه ست واقفه وعنيها رايحه وجايه ...
كانت فاكره أن أحلامها يا ناس ورديه ...
لقت حلمها فيه الفرحه رايحه ومش جايه ...
وكمان شايف أطفال أيتام ..
بيحلموا ببسمه حب وحنان ...
وعاوزين حد يمحى عنهم الأحزان ...
شايف شاب واقف وحلمه كله نجاح ...
عاوز يحقق حلمه وكله شعله كفاح ...
عاوز يعمل ويشتغل ويشوف الانتاج ..
علشان يقدر يبنى بيت ويكون من الازواج ..
وشايف صيبه مستنيه فى الشباك ..
بتحلم ييجى عريسها وعنيها عليه هناك ..
وشايف أب حزين من كتر الأولاد ..
بيشتغل ومش مكفى عليهم طلبات ...
وأم دمعتها نازله على خدودها من الأهات ...
نفسها تسعد أولادها وتحقق ليهم الرغبات ...
وبنحلم وأحنا صاحيين ممكن تتحل الأزمات ..
بقلــــم: عــــــادل الشــــــهــــابى