( وَجَع_الگلام‬ ) ـ بقلم الشاعر / محمد الأخرس

وَجَع_الگلام‬

وگلام_نِكتِبه..وَلا حَد
ف ْمرة ياناس يقراه
وحروف بتلالي..
وعمر ماحد ف يوم شافها
ولا حد يحس بأوجاعها
ويقول الله ييسر حالها
يهديها إلينا ويرضينا
ونشوفها ونفهم معانيها
ونقول الله..بجد عليها
حسينا بكل اللي واجِعْها
وبنبخل ليه..على ناس مِنّا
بحاجات..من روحنا..ودباديبنا
ونبوح بكلام..على ورق أبيض
من روحنا ومن كل قلوبنا
وحاجات لو تبدوا لنا تسؤنا
وحاجات بتسوئ ف نفوسنا
گنَّها شياطين..بتوَسوِس فينا
وترمي بحمل ذنوب تانية
على ضهرِنا..وتهد فْ حيلنا
وحاجات مِن جُوَّة تقطعنا
وبتوجع ناس..لو مرة
شافوها..بإحْساسنا
قلنا نخبيها ومش مشكلة..
لو هاتزود يوم ف جراحنا
وهانرضى بشئ..من أحلامنا
نِهرب بيها..قوام لِخيالنا
وهاننسى ياناس مِن كان مِنّا
علشان فيه لحظة إن جَت حاسمة
تنشر أنّاتنا..وكل ألم مرة عرِفنا
على مرأى وعلى مَسمَع..
دنيا..قوي كبيرة
مع كل الخلق..بِتِج_ْمَعْنا
وبتِوجَع_فينا..كتير دايما
ولا مَرّة تفگر.ْ.تِسمَعْنا... !!

‫‏مِن_أوجاعي‬

فيلسوف الأدب  / محمد الأخرس