( طول فترة الدراسة ) ـ بقلم الشاعر المبدع / عادل الشهابى

طول فترة الدراسة

طول فترة الدراسة واضح أنه بيحبها ....
طول فترة الدراسه كان لازق لها .....
طول فترة الدراسه كان يحكى ويقول لها ...
أنه هو الأمين على قلبها ....
طول فترة الدراسة وهى قدامه ....
بيحكى ويقولها عن أحلامه ....
ويقول لها أزاى مشاركاه فى منامه ....
طول فترة الدراسه وهو بيسبتها بكلامه ...
طول فترتها وهو كداب ....
كان مفهمها أنهم أحباب ....
وبعد الدراسه هيدخل البيت من الباب ...
الدراسة خلصت وبدون أنذار ...
بدء يخلق ليها فى الأعذار ....
أصل طول فترة الدراسة كان تعلب مكار ...
والخايبه بدئت تنهار ....
وفى حياتها مش شايفه نهار ....
قالته خلصت الدراسه وليه على البيت ما بتجيش ...
قالها أنا لسه عندى جيش ...
وبعده هشتغل علشان التحويش ...
وهسافر ويمكن ماهجيش ....
روحى إنتى وماتستنيش ....
بس أعرفى أن فى فترة الدراسه غيرك كان مليش ..
وكنت عارفك عنى ما هتستغنيش ...
أكيد وانا فى سفرى هيكون فيه بنا أتصال ...
ولما أنزل هطمن عليكى فى الحال ..
وهجيبلك معايا هديه للعيال ...
روحى أنتى وشوفى نصيبك ....
وبعد رحلتى هكون بردوا حبيبك ..
يعنى إيه يا عم خليك معانا ...
يعنى من دلوقتى بيتفق معاها على الخيانه ..
طول فتره الدراسه .....

بقلــــــم: عـــــادل الشــــــهـــابى