( عارفه ليه ) ــ بقلم الشاعر / أحمد صبري

عارفــه ليـــه

عارفة ليه سيبتيني
انتهيتي من معشقي
كنتي عاملة بتحبيني
كذبتي وكنتي بتصدقي

عارفة ليه حبيتك
واترميت في حضنك
كنت بهرب بين ايدك
من حزني ومن حزنك
كنت مستني الامل
كنت بدور عليه
كنت شايفك بين ايديا
بالعالم واللي فيه
كنت شايف بعيونك غدر
كنت بكدب عيوني
سامحتك وجزائي الهجر
وناس كنتير بيلوموني
عارفة بقى تستاهلي ايه
علشان قدرتي تخليني
اصدق وهم واعيش لياليه
واعشق فيكي وتاخديني
تستاهلي احلى جايزة
برافو عليكي قوية بجد
بتقدري لو تبقي عايزة
تاخدي حد تسيبي حد
عارفة ايه اخر كلامي
لما بعرف حد ذيك
حد خاين ذاد الامي
حد قلبه شكل قلبك
ببتعد وبخبي جرحي
ممكن اتعب م الوجع
بس طول عمري اضحي
واطلع مع الخاين جدع
يلا روحي انتهيتي
وانتي طبعا عارفة ليه
لو فاكرة انك حبيتي
وهمك انتي حرة فيه

أحمــــد صبـــري