كون اسافر = الشاعر صالح الجابري

كون اسافر
كون هسه ابليلي
اهاجر
كون مايطلعلي
باجر
بعد مااحمل شكابر
كلشي اظلم
سوده شو كلها المناظر
هاي مفجوعه ببنها
وهاي مفجوعه بزوجها
والبجي طفه النواظر
هاي موعيشه انتهينه
قبطت حتى المقابر
مابقة بالناس رحمه
كلها متوحشه اوكواسر
مابقت قوة تحمل
اليا وكت بس ابقه صابر
ديره للسراق صارت
والشعب يكسر الخاطر
كلمن النار ال كرصته
اوتلدغ اوچنهه زنابر
كون هسه ابليلي اهاجر
الشاعر صالح الجابري