بكــــى القــدس = بقلــــــــم : عـــــادل الشــــــهــابى

بكــــى القــدس
بكيت على بكاء القدس آه يانى ....
لما بكى القدس زود أحزانى ....
بيستنجد بينا وليه أنا واقف فى مكانى ...
يمكن يا ناس لأنى وحدانى ....
طيب لحد أمتى القدس هيعانى ...
وسامعه بيقول مين غيركم يا عرب يرعانى ...
آه يا قدس يا ساكن فى القلوب ...
آه يا قدس شايفك على أمرك مغلوب ....
والله يا قدس جوه القلوب محبوب ...
شايف القدس بيمد لينا إديه ..
بيحاول يبتسم والدمع جوه عنيه ...
بيسألكم يا عرب ليه ساكتين عليه ...
وكل يوم ولحظه صهيونى يدنسه برجليه ..
آآآآه يا مسرى الرسول ...
حاسك يا قدس من غير ما تقول ...
بتسأل آن الآوان ولا لسه غربتك هتطول ....
سامعك بتسأل عن صلاح الدين ...
لأن أهلك عنك بالكرسى منشغلين ....
ورصاصهم بيوجهوه بره فلسطين ...
آآآآآآه يا أولى القبلتين ...
وياتالت الحرمين ...
بتسأل لحد أمتى دمعك هيملى العين ...
بتبكى وكلك يا قدس آنين ...
بتقول ليه أديكم عنى مكبلين ...
ووجوهكم ليه حاطينها فى الطين ...
يا ناس يا بشر ده أنا أولى القبلتين ...
وأنا تالت الحرمين ...
أتحدوا يلا وخلصونى ..
لانكم يا عرب والله وحشتونى ...
يلا بقى وأرحموا من الدمع عيونى ..
بقلــــــــم : عـــــادل الشــــــهــابى