طلعت حلمى عامر -- العروبـــــــــــــه

طلعت حلمى عامر

العروبـــــــــــــه
***********

العروبه والخــــــلافه
هما نفس الكلمه واحده
بس يبقى فيــــه اراده
إن نرضى نعيش فى وحده

الخــــــلافه مش منـــــاصب
والعروبـــــه كراسى نــاصب
كله يجمع فى المحــــاسب
كله همــه عل المكــــاسب
ليه سمحتـــوا للديــــابــه
ينهشـــوا ف لحـم الغلابـه
لمــا ثاروا صــــاروا غــابــه
قاموا يمحــوا فى الطيابـه
والربيـــع فتح ميعــــاده
والزهــــور كات من ولاده
والثمن كان من الغـلابـه
ثــوره فى بلاد العروبـــه
عشنا فيهــا قلنا تـــوبـه
قالوا ثــوره اســـــلاميـه
تمحـــى كل العلمــانيه
جت علينـــا بالأسيــــه
والعشـــيره ميه ميـــه
والشعـوب هى الضحيه
والحكـــايه مش خــلافه
الحكــايه فى الكـــراسى
كــله بينخــور فى راسى
والعدو واقـــف بعيـــــد
عينه على كل الجديـد
والقريب أصبـح عنيـد
مش بيحسب كام شهيد
جامعه عاملــــوا للعروبــه
بس جامعـــه زى طــــوبه
عاميه طارشه كـل نـوبـــه
جامعه لكــن ! مش حلوبه
كلنـــا صــابنا الصـــــداع
والعروبه كـــلام وضــــاع
واللى منـــا خان وبـــــاع
والعــدو فــــارد شــــراع
هــــو يعلـــــى !
واحنــا ننزل تحــت قــاع
قطعـــــوا بينََّـا الحبـــال
حرَّقـــوا فينــا الأمـــــال
صدعــــوا كـل الجـــبال
والأمـان بقى شء محال
كلـــه يضــرب بالنعـــال
والحبيب والصديـــق
والقريــب والرفيـق
استوطنوا حـــى الجدال
كلــه عــارف مين عدوه
بس عينه م اللى منـــه
كله عـــارف ايه يضـــره
بس مش قــادر يصــده
آه يــــاعرب أمجـــــاد
تهتوا فى زمن لأحفاد
والعروبه بقت آحــــاد
والشعوب بعدت مداد
واللى قطع فى النفوس
اننـــا غاويــن نــدوس
عل اللى منا واللى فينا
والضمير أصبح عبـــوس
والعروبــه والخــــلافــــه
هما نفس الكلمه واحده
بس يبقــى فيــــه اراده
إن نرضى نعيش فى وحده
طلعت حلمى عامر