كنت فى قلبى وجوه عنيه == بقلم ..........عصام الضرغامى

كنت فى قلبى وجوه عنيه
وانتى يا روحي اغلى ماليه
ليه كدا دانتي اغلى من روحي وعنيه
اتهمتني بغدري ليكي
وانا حبيبك وحبيب لياليكي
نفسي اعوض احزانك
واعوضك عن حزن لياليكي
واكون نبع حبك وحنانك
يالى داب قلبى ف هواكى
نفسي امسح دمع عيونك
واقيد صوابعي الخمسه شموعك
واكون لسفينتك قبطانك وقلوعك
واكون سندك وبر امانك
واكون امير احلامك
وسر حبك وغرامك
ليه بتظني اني بخونك
وقلبي حلف عمره ما يخونك
دا انتي غرامي
دا انتي نبع حبي وحناني
انتي نسيتي ليه ايامي
ولا نسيتي حبي وغرامي
عيوني لما تشوف غيرك
تشوف اصنام واشباح
اما عيوني تشوف جمالك
وتحس بحسنك ودلالك
ترقص وتفرح بحبك
ويعزف قلبى احلى الالحان
ويحكي احلى حكايات الغرام
ما عشها قبلنا انس ولاجان
بحبك والله من قلبي
وليكى ينبض قلبى بحبي
ويقول بحبك يانور عيوني
ليه ظنونك تقتل فرحتنا
تقتل الايام ال بينا
يا اغلى من عمري بحبك
عمري ما كدبت مرة عليكي
ولانبض قلبي الا ليكى وبيكي
وبحلم ياروحى بنظرة عنيكي
ممكن تسامحينى يانور عيونى
على ذنب ما عملتوش
وعلى كدب ما كدبتوش
ممكن
العمر ايامه قليله
وكفاية الزمن
ال ما عشناهوش
ايام الغرام ال عشناها
وكاسات الحب ال شربناها
تخلينا نسامح ونسامح
بردوه بحبك رغم ظلمك
بردوه بحبك رغم سوء ظنك
عارفه ليه
لانى بحبك
بقلم ..........عصام الضرغامى