( حب و شموخ ) ـ بقلم الشاعر المبدع / محمد أبو المعاطى

حب و شموخ

....................
كُلَّك شموخ حبيبتى
حَبَّك شيوخ قبيلتى

قلبى و روحى عليكى
بيتصارعوا
من حبهم فيكى
خافوا من بعض و هرعوا
الاتنين بيجروا إليكى
الاتنين فى حبك برعوا
و لما جات أشواقى
الاتنين فى حبك قلعوا
و جات عيونى تصلح ما بينهم
خطفتك منهم
و لقيت ايدى راحه عليكى
بتشدك لحضنى
لاجل ما يرتاحوا كلهم
من بعد العذاب
حبك عوضنى ذلهم
لكل كذاب
و لقيت لسانى بيقولهم
دى أغلى الأحباب
حبك يا حياتى بيضمهم
فوق السحاب
حبك يا حياتى أمهم
و كل الصحاب
يا أجمل فصل فى كتاب
حبى و حياتى
يا فصل خطاب
أشواقى و أهاتى
بحرك يا حبى عالى
و موجه عاتى
تعالى و هاتى
دا عالى و عاتى
و انتى حبى و حياتى
و أشواقى يومياتى
انقذى غريق
و اطفى حريق
و تعالى فى الطريق
تعالى حب و رفيق
دا حبك يا حياتى برئ
رغم إنه جرئ
حبك يجرى الريق
من حلاوته و من شقاوته
بيفتح كل طريق
........................

محمد أبو المعاطى