#اعتراف_بخط_ايدي1
ان حبك ده في وريدي
وان ريحتك طابعه فيا
من يوم ماكنتي ماسكه ايدي
بالامارة لما كنتي
لابسه الاسدال النبيتي
لما كنت اروح اصلي
وانتي فرحانه بصلاتي
كنتي دعوة جوه ساجده
وهي دي بدايه حياتي
وحبي ليكي مش محاولة
اني مثلا اكون شديد
حبي ليكي يا روحي وطن
فاضي خالي من العبيد
كنت كاتبك وسط شعري
وانك انتي زي حبري
يكتب الكلمة بمزاج
لما كنت بقول بحبك
كان بجد مش احتياج
2اعتراف - باللي حصل
واللي راح مني وغاب
اني خوفت عنيكي لما
كنت بفرح بالصحاب
والبنات تشد فيا
كنت فاقد شعور بقلبي
وكنت فاكر ان ده النصيب !
عادي يعني احب خمسه
ولما بلقي الشوق يزيد
اجي اجري جوة حضنك
واحكي انك في الوريد
كنتي حاسه بكل حاجة
وكنت مهما اعيد وازيد
القي حضنك دفء ليا
رغم ان بكون بعيد
3اعتراف - اني اصلا مش كويس
واني لما بحب اهيس
كنت بخرج من وراكي
كنت ناكر كل خيرك
كنت بحضن بنت غيرك
وانتي عارفه ايه مصيرك !
اعتراف - اني صعب اكون كويس
وانك انتي كتير عليا
اوعي مره تبكي
#لو_لمحتي_دموع_عنيا
(¯`v´¯)
`·.¸.·´
¸.·´¸.·¨) ¸.·¨)
(¸.·´ (¸.·´ (¸.·¨¯`˙·٠.ღ(¯`*•.¸♡fahood ♡¸.•*´¯)ღ
#فهد_الجارحى
ليست هناك تعليقات:
إرسال تعليق