((حبيتك يوم ماقابلتك))بقلم ا//سالى نادر

حبيتك يوم ما قابلتك
حسيتك مني
وحسيتني منك
كاننا روح واحدة في جسدين
في وجودك راحة
عاوز الصراحة
أنا دبت فيك
في حنان عنيك
ومعاك لقيت حلم السنين
ده أنا كنت تايهة
عن روحي غايبة
دايما حزينة
خايفة ووحيدة زي الغريبة
دلوقت عايشة
يتنفس فرحة
طايرة وسعيدة
في دنيا تانية
دايبة من الشوق والحنين
عوزاك انا ليا
ضي لعنيّا
وسلام لقلبي
خليك معايا متسيبش ايديا
ده غرامك زارني
و احتل قلبي
زلزل كياني
نساني اسمي
و مني سرقني ومن روحي خدني
خد ايدي في ايدك
احضن هوايا
كملني بيك
نسيني العالم في غرام عينيك
اعشقني بقوة
لملم جروحي
امسح دموعي
ارسملي البسمة
غرقني حب وغرام و شوق
اسمك في قلبي
محفور من صغري
من يوم ميلادي
ده نصيبي انت يا احلى حبيب
خلاص يا ناس
لقيت ملاكي
و حلم السنين
وهنبقى واحد وربنا شاهد
ما خلاص حبيت دبت وهويت

سالي نادر ...