==شباب النواصي==بقلم ا/عادل الشهابي

شباب النواصى
الدانى يقول للقاصى ...
كترت الشباب على النواصى ..
ولغتهم بتجرح أحسسكم وأحساسى ..
فين أيام زمان لما كان الأحترام شىء أساسى ..
مجموعة واقفه على ناصيه شارع ....
والكلام الفارغ الكل فيه بارع ...
وعلى معاكسه بنت ماشيه الكل بيتصارع ..
وكل سكان الشارع لكلامهم الفارغ سامع ...
منهم اللى فى إيده سجاره ...
بالبانجوا ماحشيه فاكرها شطاره ...
وريحتها دوخت سكان الحاره ...
وأدى كمان واحد واخد برشامه ...
مخلياه دايما فى دوامه ...
لا يعرف خالته من أمه ..
ولا اخته من الخدامه ...
واقفين مش سايبين حد فى حاله ...
لا ست ماشيه ولا راجل بعياله ...
وأن حد قال مش كده يا جماعه ده عيب ...
بسرعه تطلع حاجات من الجيب ...
سكاكين ومطاوى ده أمر عجيب ...
وأدى واحد ساند على عمود ...
مستنى بنت راحت وهتعود ...
بيضايقها بكلام ووعود ...
الفاتحه يا ناس على الأخلاق ...
اللى ليها بقينا نشتاق ...
الف خساره يا شباب عليكم ...
يالى البلد أمالها فى إديكم ...
آه على شباب النواصى ..
اللى لكرامته وكرامة الناس ناسى ..
بقلــــــــم: عـــــادل الشــــــهـــابى