خبــــر عــاجل === بقلــــــم: عـــــادل الشـــــــهــابى

خبــــر عــاجل
أحاطنا علماً من بعض المصادر ...
بأن القلب اللى كان عامل شاطر ..
واللى كان يتحدى كل المخاطر ...
تم العثور يا ناس عليه ....
ماشى وقلب حبيبه فى إديه ...
والفرحه باينه كمان فى عنيه ..
من بعد طول أنتظار ....
خلاص قرر يختار ...
ويرحم نفسه من الأنهيار ...
بتقدم له انا بالتهانى ..
من بعد ما لقى نصه التانى ...
وبهديه أنا أحلى الأغانى ...
عرفنا من مصادرنا الأساسيه ..
بأن القلب لقى أحلى هديه ...
لقى قلب كله حُب وحنيه ...
وبقت فى حياته من الأشياء الأساسيه ...
ومصادرنا قالت عن خبر فات ...
بأنه فيه بينهم كمان أتصالات ...
ومش موجود بينهم شجن وآهات ...
ونتمنلهم أرق الأمنيات ...
ربنا يسعد كل القلوب ...
والحبيب يلاقى المحبوب ...
ويكونوا لبعض قسمه ومكتوب ...
الى اللقاء فى خبر تانى ...
عن القلب اللى خلانى ...
سعيد من بعد ما كنت بعانى ...
بقلــــــم: عـــــادل الشـــــــهــابى