( الحب طبله ) - بقلم الشاعر / عصام دويدار

( الحب طبله )
والشعرا هما الطبالين
من غير مجامله
كام حد حب
وكان نصيبه يعيش حزين
............................
هي خانت هو ضحى
بس خانها وراح فضحها
قال عليها الخاينه هانم
قال عليها كوم شتايم
بس ضحى
وراح ناصحها
قالها انا خساره فيكي
غوري مش ندمان عليكي
الحب هو التضحيه
وخلاص نويت أضحي بيكي
.............................
مسك القلم والدمعتين
وقال حبيبتي إنتي فين
سألت كل الناس عليكي
إرحمي قلبي الحزين
..............................
وعادي جدا حب تاني
وقال حبيبتي بين أحضاني
ولو أغمض عيني لحظه
بلاقي حبيبتي وحشاني
..............................
الحب طبلة كل شاعر
وكل دقه ليها لون
يعني لو أستاذ مشاعر
تعرف لغات كل العيون
..........................
بقلم / عصام دويدار