( بنادي عليك ) ـ بقلم الشاعرة / مهـــا فتحـــي

*** بنادي عليك ****

****************

لملم جروح قلبي بإيديك

يمكن تحن و أصعب عليك
أنت ناسي عمري كله
ملك ليك
هات إيديك و أمسح دموعي
وخلي عيني تشوف شموعي
نفسي أفرح
و أعيش معاك لحظة رجوعي
محتجالك حس بيا
ليه حبيبي مش داريبي
شوقي ليك بيناديك
غصب عني ومش بإيدي
مش سامعني
روحي دايما بتناديلك
نفسها مره تجيلك
شوف عذابي وحيرتي بعدك
والله ما اقدر يوم على بعدك
محتجالك فين حنانك
نبض قلبي ده عشانك
نفسي أعيشلك عمري كله
قلبي لسة جواه مكانك

مهـــا فتحـــي

15 \6\ 2015