( بنتـــي ) .. خاطرة بقلم المبدع / أحمد بيومي

بنتـــــي

وبسرعة وفي غمضة عين .. لقيتك يابنتي كبرتي ..
فاكره لما كنت الملم شعرك بإيدي ..

شعره شعره ..
وبصعوبه أسويلك ضفيره ..
وكبرتي وبقيتي عروسه ..
رغم عني ..
فعلاً دنيا موش حلوه وصغيره ..
كنت أخاف ان حد يلمس في الباص حته منك ..
أو عيل يغلس عليك ويحاول يمسك إيديك ..
مستني لما يجي ليك إبن الحلال ..
ويطلب إيديك مني ..
وأتاري الدنيا دارت في لحظة ..
وتنكرتي لأبوك ..
زي الصخرة ما تنكر رمال الصحراء وهي منها ..
فين راحت برائتك ..؟
فين جملة أنت يا بابا وحدك حبيبي ..؟
فين البنت إللي كنت أحرم نفسي عشانها ..
في لحظة أتحرمت تاني منها ..
وراحت تجري ورا الغريب ..
وقالت إنه بقى بسلامته جوزها و رجلها ..
وأنا يقيت في لحظة الغريب ..
بجد دنيا بقت ملهاش أي عازه ..
ولا عاد ينفع معها دواء وطبيب ..

خاطرة بقلمي / أحمد بيومى

ولا تعبر عني أنها تجربة صديق