( رمضان كريم ) ـ بقلم المبدعة / عزة أحمد

رمضان كريم

................

تصدّق او متصدّقشى
الدنيا من غير رمضان متنفعشى
يا محلى اللّمه ع المحشى
و البط المزغّط و الطرشى
_________
بعد الفطار تظهر كل الممنوعات
دى مكسّرات و دى حلويات
و القطايف و الكنافه بالقشطه
و هات ايدك يا حلو هات
_________
و تيجى صلاة العشا و التراويح
نجرى ع الجامع بسرعه زى الريح
نذكر محمد حبيب القلوب
و نصلى عليه و نكتّر ف المديح
__________
نحط حق ربنا و نبدأ ف الموده و الرحمه
الشوارع مليانه ناس طيبه عامله زحمه
كل واحد بيسأل ع الاهل و الاحباب
ياكل هنا و ياكل هنا لحد ما تجيله تخمه
__________
يروّح البيت و يقول يا بطنى هنام خفيف
ليه ياخويا طب حتى كُل نص رغيف
ده على ما يخلص رمضان هتبقى ضعيف
ياوليّه سيبينى ف حالى يا سااااتر .. يا لطيف
..............

عزة احمد