اسمع قلبي \ مها فتحي

** اسمع قلبي **
**************
أسمع قلبي يا حبيب قلبي
أسمع شوف هيقولك إيه
هيقولك ع اللي في قلبي
ويحكيلك على اللي أنا فيه

جوا قلبي كلام وكلام
وقصة حب وشوق وغرام
فرحان بيك ومستنيك
كأني عايشة في الأحلام
لما إيدك لمست إيدي
فرح قلبي وقال الله
لمسة إيدك ده يوم عيدي
حبك ليا يا محلاه
م الفجرية بستناك
وحسة كأني طايرة معاك
وشوقك ليا طاير بيا
وفرحت روحي كمان بهواك
يوم ما جتلي
قلبي سبقني لحد هناك
شفت عينيك سلمت عليك
عدى الوقت بسرعة معاك
علشان خاطري
المرة دي مش محسوبة
أوعة تقول خلاص النوبة
هتيجي تاني تدوق حناني
ومش هتقول لحبي توبة
مها فتحي
9\6\2015