( الســـــــر ) بقلم الشاعر / حاتم سليمان

( الســـــــــر )

السر اللي عشت بيه
مرة واحده بان عليا
وبان عليه
الحزن اللي كنت فيه
قلبي رسمه في عنيا
وكان ماليه
شعور مخيف
لما سرك يبقى مستباح
لما تليفونك يرد
طول الوقت ويكون متاح
تبقى مش قادر تخبي
كل شئ جواك مباح
مالسعادي
كل شئ راح يبقى عادي
مش مهم مين اللي عارف
الاهم اني صح في ابتعادي
مش هفكر في اللي فات
ولا مين كان اللي بادي
احنا افترقنا والسلام
كله ماشي وهو راضي
زي النهار اللي مروح من سكات
لما تبقى الغيمه حاضنه كل وادي
مش هتنفع المعافرة
ولا فايده من التمادي
بس فاضل حاجه واحده
ذكرى هتسكن قصادي
وكل صبح هلقاها نشره قصتي
والاحزان تيجي تنادي
وانا مش هقدر ارد
ليشتمو فيا الاعادي
هستخبي ويا قلبي
ومش هبين اعتراضي
ارحمو حرمه مماتي
انصفوني في انتقادي
سيبو سري يدفن
ارتاحو خلاص القلب فاضي

بقلم / حاتم سليمان
5/6/2015