يااا بحر _ بقلم نادر المغلوب

!! _ _ _! _ _ يااا بحر _ _! _ _ _!!

يا بحر البحور قولي علي فين موديني

سايب في البلاد حبي وبغربه ترميني

لا لاقي نسمة هوا ولا ميه ترويني
مش لاقي غير الأسي
والدنيا دي مدرسه ديما تبكيني
~ ~
ياشراعي رايحني وبلاش تطوحني
لا الموجه تأذيني
وياريت تروحني دا الغربه بتدبحني
وبكت دموع عيني
ياا بحر وديني علي بر رسيني
لو إنت تجرحني طب مين يداويني
~ ~
ياا بحر البحور قولي علي فين موديني
سايب في البلاد حبي وبغربه ترميني
دا العمر عدي شقي ومراره تسقيني
مستني يوم اللقي والفرح يناديني
ياا بحر يلا بقا عجل وعديني
دا عيوني متشوقه لحبيبي يجافيني
يا بحر البحور قولي علي فين موديني
سايب في البلاد حبي وبغربه ترميني
بقلم
نادر المغلوب