بشوف فيكى دنيتى
...........................
بشوف فيكى دنيتى
بشوفها جنة
بإخلاصى و نيتى
عشان بحبك
بشوفك أجمل واحدة
و من غيرك بحس بالوحدة
حبيت فيكى أحلى ما فيكى
حبيت روحك ربى يعافيكى
بشم عطرها فى اديكى
و ياما قلتها بروحى افديكى
يا أجمل إنسانة فى عيونى
روحك و قلبك تملى يحيونى
بتحبينى و مستحملة جنونى
عشان كده حبيتك و ظنونى
شيلانى على راسك من فوق
و لسانك حلو و ذوق
يا كاويانى بنار الشوق
حنانك على كل حنان يفوق
بحبك من تحت و فوق
و يالا بقا قبل ما افوق
يا سارقه منى مشاعرى
و روحى و جسمى و شعرى
بكيفك أنا فى بيتك
و بكيفى أنا حبيتك
حياتنا حب فى حب فى حب
و مشاعر طالعه من القلب
يا رب يحفظنا الرب
و يبارك لنا شرق و غرب
و شمال و جنوب
و يتوب علينا من الذنوب
خيوب علينا خيوب
ان ما صبرنا على بعضنا صبر أيوب
ده محدش خالى من العيوب
............................................
محمد أبو المعاطى
ليست هناك تعليقات:
إرسال تعليق