أهلا رمضان
شميت روايح فى الهوا وشفت أنوارفى السما وضي
سألت الناس إيه الخبرقالواإصحى رمضان زمانه جي
نط القلب من صدرى فرحان بيهتف الله أكبر الله حي
هل الشهر الكريم بطلته وبيطوى الأيام والليالى طي
جاى يرووى النفوس والقلوب من رحمته وخيره ري
يسقيهارحمة من القرآن زى الزرعة مابتتروى بالمي
مسحراتى بطبلته فى الزقايق والحارات واخدهارايح جاي
إصحى يانايم هى دى غنوته وقوم وحدربك الدايم الحي
عيال بفانوس وشمعةمن الفرحة بالكنافةحياكلوعجينها ني
فقيرمن الحرمان كان بيكوى النفوس بنظرة عيونه كي
لاحد حاسس بيه ولاشايف نظرته كانت قلوب حجريابي
جاي الكريم يبدل أي قلب قاسي بقلب بالحنان والمحبه حي
وقعدة فطار بتلم كل القرايب والجيران من أهالى الحي
لقمةهنيه بتكفى ميه وراها كنافة وقطايف وزردة شاي
وفجر يأذن الله أكبر سحورونجرى على الجوامع جري
نصلي ونذكرونحمد ربناعلى رحمته ونعمته عليناياخي
ده رمضان شهروكريم وماله بين كل شهورالسنه زي
محمد ابو الفتح....
ليست هناك تعليقات:
إرسال تعليق