( هو انا مين ) - بقلم الشاعر / خالد محمد

( هو انا مين )

كلمة ذم في شعر قديم
و الا دليل مدح و اعجاب
و لا سؤال و ملوهش جواب
و الا انا كلمة في وسط كلام
شيخ دجال كان عمله حجاب
او ترنيمة من الترانيم
قالها الراهب في المحراب
هو انا مين
طير بيزقزق علي شباك
و الا رسالة محدش شافها
لما اتحدفت تحت الباب
هو انا مين
انا انسان ؟
طب ليه تايه زي مكون
نقطة مية في وسط سحاب
عالم تافه
مهماً قالوا حقيقته سراب
كدبة كبيرة
عنوان نسيوا يطبعوا اسمه
لما حكايتي قالوها في كتاب
هو انا مين
انا وسطيهم
انا زييهم
زي العالم انا كداب

بقلم / خالد محمد