---------- مين فينا -----------
مين فينا؟
يقدر ويقدّر
مين فينا؟
يصبر ويصبّر
نتأنّى قبل
منقول ونقرّر
وليه مشاكلنا
فى الجرايد تتصدّر
البيوت أسرار
والبيت المفتوح
عمره مايعمّر
السور الجميل
بيحمى البستان
لجل ما يزهّر
زى الأم الحنونة
بشوية رياح
عمرها ماتتأثّر
يا ابنى فكّر وقرّر
يا ابنى السحاب
البداية وبعديه
الجو بيمطّر
واياك ياابنى
ع الضعيف
تتمنظر وتتشطّر
روح يابنى سامح واغفر
يابخت ال على
الذنوب قدر و كفّر
مساحة الحزن
كل يوم بتكبر
الألوان غامئة
والحلو مرّر
الأليف فى
حياتنا بقى
يزأر
والحياء كشف
الغطا
وماشى فى
الأرض يفجر
والتعلب راح يصلى
والشيخ ع الغلابة
يمكر
الشريف ضعيف
والجبان ع الشجرة
يسكر
الحرامى كل
يوم فى مطعم
والأمين موش
لاقى يفطر
المتهم برّءوه
والبرئ خلّوه
يكفر
الشاعر/عبدالجوادخاطر
ليست هناك تعليقات:
إرسال تعليق