( حقك عليه يا ولدى ) - بقلم الشاعر / أحمد عبدالله لطفى

( حقك عليه يا ولدى )
-----------------
امته هيترفع الظلم عنك يا بلدى
واشوف الفرح فى عيون ولدى
اللى ضاقت بيه الدنيا وملقاش
اللي بيحلم بيه اعملك ايه يا فلذة
كبدى ؟
---------------
عارف انك تعبت وأسيت واتعلمت
وأخرتها قولت ياريتنى ما اتعلمت
لو اعرف انها محصله بعضها
كنت وفرت تعبى وهاجرت
وﻻ انى ازل نفسي واخرتها ندمت
----------------
وانا بقولك يا ولدى حقك عليه
كان نفسى اشوفك قامة فى البلد ديه
يضرب بيك المثل وترفع اسم بلدك
زى العلم
لجل تداوى جراحنا وجراح كل من
عنده ألم
----------------
بس أزمة الضمير يا ولدى
هى سبب التقصير
لو كل واحد راعى ربه ف عمله
لتبدل الحال من الحال
وأصبح المجتهد ف البلد له مكان
وأخد بايدك يا بلدى ووصلك لبر اﻷمان
---------------
لكن الكوسة جابت ناس مهوسة
تعشق الكراسي وﻻ تعرف الخيار
م الكوسه
واخد المنصب وراثة وﻻ فارقه معاه ترتببه
ف الدراسة
بس ان شاء الله هتتعدل
وكل دول نهايتهم امضا ف كراسة
وحقك عليه يا ولدى
----------------------

بقلم / أحمد عبدالله لطفى