( كله بالعدل يكون ) - بقلم الشاعر / محمد أبو المعاطى محمد

( كله بالعدل يكون )
......................
قالوا يا فرعون ايش فرعنك
قال ما لقيتش حد يلمنى
قالوا يا فرعون ما أرعنك
قال هو فى حد يهمنى
قالوا يا فرعون الناس بتلعنك
قال المهم الجيش بيحبنى
تجيش نلعب لعبة يا فرعون
و يشهد علينا رب الكون
تسيبنى أحكم التسعين مليون
ان ما حررنا القدس فى يوم
ابقى انا ساحر او مجنون
من غير يا فرعون ما تقول
تجيش نلعب لعبة يا فرعون
و يشهد علينا رب الكون
تسيبنى أحكم التسعين مليون
ان ما كات مصر تقوم
فى ليلة واحدة
و تصحى من النوم
ابقى انا ساحر أو مجنون
أو زى ما تقول قول
كله بالعدل يكون
حتى الكرسى يدوم
دامت لمين يا فرعون
دامت لمرسى و لا شلعون
يا مصر الله يكون فى العون
و يا مصريين بكرة القيامة تقوم
و يشهد علينا رب الكون
بكرة شهر الصوم
و يشهد علينا رب الكون
ان ما لحقنا بحاجة من عنده
أبقى انا ساحر أو مجنون
ان ما نصر الله عبده
قول عليا زى ما تقول
..............................
بقلم / محمد أبو المعاطى محمد